எல்லையில் பதற்றம் நீடிக்கும் நிலையில், ஜி20 வெளியுறவுத்துறை அமைச்சர்கள் மாநாட்டில் பங்கேற்க சீன வெளியுறவுத்துறை அமைச்சர் கின் கேங் (Qin Gang) இந்தியா வர உள்ளதாக அறிவிக்கப்பட்டுள்ளது.
டெல்லியில் வரும் மார்ச் 1 மற்றும் 2 ஆகிய தேதிகளில் நடைபெறும் அம்மாநாட்டில் பல்வேறு நாடுகளைச் சேர்ந்த வெளியுறவுத்துறை அமைச்சர்கள் பங்கேற்க உள்ளனர்.
இந்நிலையில், மத்திய வெளியுறவுத்துறை அமைச்சர் ஜெய்சங்கர் விடுத்த அழைப்பின் பேரில் சீன வெளியுறவுத்துறை அமைச்சர் 2ஆம் தேதியன்று கூட்டத்தில் பங்கேற்க உள்ளார்.
