இலங்கையில் இருந்து கடத்தி வரப்பட்டு ராமேஸ்வரம் கடலில் வீசப்பட்ட 12 கிலோ தங்கக்கட்டிகளை இந்திய கடற்படையினர் மீட்டனர்.
கடந்த செவ்வாய்கிழமை கடலோர காவல்படையினர் ரோந்து பணியில் ஈடுபட்டிருந்த போது, மண்டபம் நோக்கி வந்த பைபர் படகில் இருந்த மண்டபத்தைச் சேர்ந்த 3 பேர், அதிகாரிகளைக் கண்டதும் ஒரு பார்சலை கடலில் தூக்கி வீசியுள்ளனர்.
அவர்களை கைது செய்து விசாரித்ததில், இலங்கையில் இருந்து கடத்தி வரப்பட்ட தங்கக்கட்டிகளை வீசியதாக தெரிவித்ததன் பேரில், கடலில் தேடுதல் பணிகள் முடுக்கிவிடப்பட்டன.
2ம் நாளாக இன்று இந்திய கடற்படை உதவியுடன், அந்த 3 பேரையும் உடன் அழைத்துச் சென்று கடலில் தேடிய போது, 12 கிலோ தங்கம் இருந்த அந்த பார்சல் மீட்கப்பட்டதாக தெரிவிக்கப்பட்டுள்ளது.
கடத்தலில் ஈடுபட்ட அந்த மூவரிடமும் மத்திய வருவாய் புலனாய்வு துறை அதிகாரிகள் விசாரணை மேற்கொண்டு வருகின்றனர்.
