சவூதி அரேபியாவின் அல்-நஸர் அணியுடனான ஒப்பந்தத்தில் கிறிஸ்டியானோ ரொனால்டோ கையெழுத்திட்டுள்ளதாக, தகவல் வெளியாகியுள்ளது.

போர்ச்சுக்கல் நாட்டின் நட்சத்திர வீரர் கிறிஸ்டியானோ ரொனால்டோ, மான்செஸ்டர் யுனைடெட் அணியில் இருந்து வெளியேறியதைத்தொடர்ந்து, எந்த அணியிலும் இணையாமல் இருந்தார்.

இந்நிலையில் சவூதியின் கிளப் அணியான அல்-நஸர் அணியுடனான ஒப்பந்தத்தில் ரொனால்டோ கையெழுத்திட்டுள்ளதாக, சவூதி ஊடகங்கள் செய்தி வெளியிட்டுள்ளன. இந்த ஒப்பந்தத்தின்படி, ரொனால்டோ ஆண்டுக்கு 175 மில்லியன் பவுண்ட் பெறுவார். ஏழு ஆண்டுகள் அந்த அணியில் விளையாடுவார் என்றும் அறிவிக்கப்பட்டுள்ளது.