சீனாவுடனான, ராணுவ மற்றும் அரசியல் ரீதியிலான ஒத்துழைப்பை பலப்படுத்த விரும்புவதாக ரஷ்ய அதிபர் புதின், சீன அதிபர் ஜி ஜின்பிங்கிடம் தெரிவித்துள்ளார்.
காணொளி காட்சி வாயிலாக நடைபெற்ற சந்திப்பில், முன்னெப்போதும் இல்லாத அளவிற்கு மேற்கத்திய நாடுகள் ரஷ்யா மீது தடை விதித்து வரும் நிலையில், எதிர்கொள்ள ரஷ்யாவுடன், சீனா இணைந்து எடுத்துவரும் முயற்சிகளுக்கு புதின் பாராட்டு தெரிவித்தார்.
மேலும், ரஷ்யாவிற்கு அரசுமுறை பயணமாக சீன அதிபர் ஜி ஜின்பிங்கின் வருகையை எதிர்பார்ப்பதாக அவர் கூறியுள்ளார். இதனிடையே, இக்கட்டான சூழலில் ரஷ்யாவுடனான ஒத்துழைப்பை அதிகரிக்க தயாராக உள்ளதாக சீன அதிபர் ஜி ஜின்பிங் தெரிவித்துள்ளார்.
