சென்னை கொருக்குப்பேட்டையில், ரயில் மீது கல் வீசி தாக்குதல் நடத்திய போதை ஆசாமிகளை போலீசார் தேடி வருகின்றனர்.
நேற்று மாலை வியாசர்பாடி வழியாக சரக்கு ரயில் என்ஜின் சென்றுக் கொண்டிருந்த போது, தண்டாவளத்தில் 3 பேர் நின்றிருந்ததை கண்டு, என்ஜினை நிறுத்திய ஓட்டுநர், ஹார்ன் அடித்துள்ளார்.
அப்போது மதுபோதையில் தள்ளாடிக் கொண்டிருந்த ஒருவன், ஆபாச வார்த்தைகளால் திட்டிய படி, கீழே கிடந்த கற்களை எடுத்து ரயில் மீது வீசி ஓட்டுநரை தாக்கியுள்ளான்.
