மத்தியபிரதேச மாநிலத்தில், நிறுத்தி வைக்கப்பட்டிருந்த லாரி மீது பேருந்து மோதிய விபத்தில் 15 பேர் உயிரிழந்த நிலையில், 40 பேர் படுகாயங்களுடன் மருத்துவமனையில் அனுமதிக்கப்பட்டுள்ளனர்.
மத்திய பிரதேசத்தின் கட்னியில் இருந்து உத்தரபிரதேசத்தின் கோரக்பூருக்கு சென்ற பேருந்து, ரேவா பகுதி அருகே வந்தபோது விபத்தில் சிக்கியது.
இதில் தீபாவளி பண்டிகையை கொண்டாட உத்தர பிரதேசத்துக்கு சென்று கொண்டிருந்த தொழிலாளர்கள் உள்ளிட்ட 15 பேர் உயிரிழந்தனர்.
காயமடைந்த நபர்கள் சுஹாகி மற்றும் ரேவா மருத்துவமனைகளில் அனுமதிக்கப்பட்டுள்ளனர்.
