காங்கிரஸ் தலைவர் தேர்தலில் போட்டியிடப்போவதில்லை என ராஜஸ்தான் முதலமைச்சர் அசோக் கெலாட் தெரிவித்துள்ளார்.
டெல்லியில் காங்கிரஸ் இடைக்கால தலைவர் சோனியா காந்தியை நேரில் சந்தித்தபின் செய்தியாளர்களிடம் பேசிய அவர், கொச்சியில் ராகுல்காந்தியை சந்தித்து காங்கிரஸ் தலைவர் பதவிக்கு போட்டியிடுமாறு கேட்டுக்கொண்டதாகவும், அவர் அதனை ஏற்காததால் தான் போட்டியிடுவதாக கூறியதாகவும் தெரிவித்தார்.
தற்போது காங்கிரஸ் தலைவர் பதவிக்கு போட்டியிடப்போவதில்லை என்று தெரிவித்த அசோக் கெலாட், ராஜஸ்தான் அரசியலில் நடைபெற்ற சம்பவத்திற்காக தான் சோனியா காந்தியிடம் மன்னிப்பு கேட்டதாகவும் தெரிவித்தார்.
