தூத்துக்குடி மாவட்டம் அருகே உள்ள கடம்பூர் பேரூராட்சி தேர்தல் வாக்குப்பதிவு இன்று நடைபெற்று வருகிறது.
கடந்த பிப்ரவரி மாதம் தேர்தல் நெறிமுறைகள் பின்பற்றப்படாததால், தேர்தல் ரத்து செய்யப்பட்டிருந்த நிலையில், நீதிமன்ற உத்தரவுப்படி, காலை 7 மணி முதல் மாலை 5 மணி வரை தேர்தல் நடக்கிறது.
12 வார்டுகளில் 3 வார்டு உறுப்பினர்கள் போட்டியின்றி தேர்வு செய்யப்பட்டதால், மீதமுள்ள 9 வார்டுகளுக்கான தேர்தல் 9 வாக்குச்சாவடிகளில் நடைபெறுகிறது.
திமுக 7 வார்டுகளிலும், மதிமுக ,காங்கிரஸ், பாஜக தலா ஒரு வார்டுகளிலும் போட்டியிடும் நிலையில், 13 சுயேட்சை வேட்பாளர்களும் களத்தில் உள்ளனர்.
இங்கு மொத்தம் 2 ஆயிரத்து 426 வாக்களர்கள் உள்ள நிலையில், அனைத்து வாக்குச்சாவடிகளும் பதற்றமானவை எனக் கண்டறியப்பட்டுள்ளதால் வாக்குப்பதிவு முழுவதும் வீடியோ பதிவு செய்யப்படுகிறது.
