சேலம் அருகே நள்ளிரவில் மாக்னசைட் கனிம தாதுவை வெட்டி கடத்த வந்தோரை தடுத்த இளைஞர்கள் மீது தாக்குதல் நடத்தி, 3 இருசக்கர வாகனங்களை தீவைத்து எரித்துவிட்டு தப்பிய கும்பலை போலீஸ் தேடி வருகிறது.

வெள்ளைக்கல்பட்டி மற்றும் சுற்றுவட்டார பகுதியில் சுமார் ஆயிரம் ஏக்கர் பரப்பளவில் மாக்னசைட் தாது கொண்ட நிலப்பரப்பு உள்ளது.

தினமும் இப்பகுதியில் சட்டவிரோதமாக கூலித்தொழிலாளிகளை கொண்டு கனிம கற்களை சிலர் வெட்டி எடுத்து வருவதாக கூறப்படுகிறது.

கடந்த மாதம் அப்பகுதியில் சோதனை மேற்கொண்டு, கடத்தல் லாரிகளையும் கடத்தலுக்காக வைக்கப்பட்டிருந்த வெள்ளை கற்களையும் அதிகாரிகள் பறிமுதல் செய்தனர். இந்த நிலையில் நேற்று நள்ளிரவில் மீண்டும் கும்பல் ஒன்று கடத்தல் முயற்சியில் ஈடுபட்டபோது, அதை தடுத்தோர் மீது தாக்குதல் நடத்தியுள்ளது. இதில் பிரசாத், ஸ்ரீனிவாசன், கார்த்திக், பூபதி ஆகியோர் காயமடைந்தனர்.