மத்திய உள்துறை அமைச்சகத்தின் பாதுகாப்பு அனுமதியை தொடர்ந்து விரைவில் ஜெட் ஏர்வேஸ் நிறுவனத்தின் விமானங்கள் இயக்கப்படும் என எதிர்பார்க்கப்படுகிறது.
வர்த்தக ரீதியிலான சேவைகளை வழங்க முடிவு செய்துள்ள ஜெட் ஏர்வேஸ் நிறுவனம், விமானங்களின் பாதுகாப்பு அம்சங்களை நிரூபிக்கும் வகையில் கடந்த வாரம் பாதுகாப்பு அனுமதிக்கான சோதனை ஓட்டத்தில் ஈடுபட்டது. இதையடுத்து ஜெட் ஏர்வேஸ் நிறுவனத்திற்கு பாதுகாப்பு அனுமதியை மத்திய உள்துறை அமைச்சகம் வழங்கி உள்ளது.
அதேநேரம் சிவில் விமான போக்குவரத்து கட்டுப்பாட்டு ஆணையத்திடம் இருந்து ஏர் ஆபரேட்டர் சான்றிதழ் பெற ஜெட் ஏர்வேஸ் நிறுவனம் மேலும் ஒரு சோதனையில் ஈடுபட வேண்டும்.
