ஒரே சமயத்தில் 2 ஐபோன்களை சார்ஜ் செய்யக்கூடிய நவீன சார்ஜரை ஆப்பிள் நிறுவனம் வடிவமைத்து வருவதாக தகவல் வெளியாகி உள்ளது.

பல்வேறு சீன நிறுவனங்கள், செல்போன்களை வேகமாகச் சார்ஜ் செய்வதற்காக 80 வாட் வரை திறன் கொண்ட சார்ஜர்களை அறிமுகப்படுத்தி உள்ளன.

ஆனால் செல்போன் சேவைகளில் பல்வேறு புதுமைகளை புகுத்தி வரும் ஆப்பிள் நிறுவனம் 20 வாட் திறன் கொண்ட சார்ஜர்களை மட்டுமே வழங்கி வருகிறது.

தற்போது முதல் முறையாக 35 வாட் திறன் கொண்ட சி-டைப் சார்ஜரை ஆப்பிள் வடிவமைத்து வருவதாகத் இணையத்தில் தகவல்கள் வெளியாகி உள்ளன.

சந்தையில் இந்த சார்ஜர் அறிமுகப்படுத்தப்பட்டால், வாடிக்கையாளர்களால் ஐபோன்களை வேகமாகச் சார்ஜ் செய்ய முடிவதுடன், ஒரு ஐபோன், ஒரு ஆப்பிள் வாட்ச் அல்லது 2 ஐ-போன்களை ஒரே சமயத்தில் சார்ஜ் செய்ய முடியும் என கூறப்படுகிறது.