தமிழக பாஜக தலைவர் அண்ணாமலைக்கு கொலை மிரட்டல் விடுக்கும் வகையில் சமூக வலைதளங்களில் பதிவு செய்ததாக நெல்லை மேலப்பாளையத்தைச் சேர்ந்த ஓட்டல் தொழிலாளி ஒருவர் கைது செய்யப்பட்டுள்ளார்.
ஆமீன்புரம் பகுதியைச் சேர்ந்த பாபா யூசுப் என்பவரது முகநூல் பக்கத்தில் அண்ணாமலைக்கு கொலை மிரட்டல் விடுக்கும் வகையில் பயங்கர ஆயுதங்களுடன் கூடிய புகைப்படத்துடன் பதிவு செய்ததாக கூறப்படுகிறது.
இந்நிலையில், அவரது பதிவு இரு பிரிவினரிடையே மத மோதலை உண்டாக்கும் வகையில் இருப்பதாக கூறி அளிக்கப்பட்ட புகாரின் பேரில், மத நல்லிணக்கத்திற்கு பாதகமாக செயல்படுதல், கொலை மிரட்டல் உள்ளிட்ட 5 பிரிவின் கீழ் வழக்கு பதிவு செய்த போலீசார், அவரை கைது செய்து சிறையிலடைத்தனர்.
