கேரள மாநிலம் மலப்புரம் அருகே அதிவேகமாக வந்த லாரி தனியார் பேருந்தின் மீது மோதியதில், நிலைதடுமாறிய பேருந்து சாலையில் கவிழ்ந்து விபத்துக்குள்ளான காட்சிகள் அங்கிருந்த சிசிடிவி கேமராவில் பதிவாகியுள்ளது.
மஞ்சரியில் இருந்து கோழிக்கோடு நோக்கி சென்றுக் கொண்டிருந்த தனியார் பேருந்து, கொண்டோட்டி பகுதியில் சென்ற போது எதிர் திசையில் அதிவேகமாக வந்த லாரி, பேருந்தின் பக்கவாட்டில் மோதியது.
இதில் நிலைதடுமாறிய பேருந்து சாலையோரத்தில் இருந்த மின்கம்பத்தின் மீது மோதி கவிழ்ந்து விபத்துக்குள்ளான நிலையில், பேருந்து மோதிய வேகத்தில் மின்கம்பம் உடைந்து பேருந்தின் மீது விழுந்து தீப்பொறி கிளம்பியது.
இந்த கோர விபத்தில், பேருந்தில் பயணித்த விஜி என்ற செவிலியர் சிகிச்சை பலனின்றி உயிரிழந்தார். மேலும், பேருந்தில் பயணித்த 20க்கும் மேற்பட்ட பயணிகள் படுகாயமடைந்தனர். இச்சம்பவம் குறித்து சிசிடிவி காட்சிகளின் அடிப்படையில் போலீசார் விசாரணை மேற்கொண்டு வருகின்றனர்.
