தென் மாவட்டங்கள், நீலகிரி, கோவை, திருப்பூர் மாவட்டங்களில் ஓரிரு இடங்களில் இன்று கனமழை பெய்ய வாய்ப்புள்ளதாகச் சென்னை வானிலை ஆய்வு மையம் தெரிவித்துள்ளது.

இன்றும் நாளையும் தமிழகம், புதுச்சேரியில் ஓரிரு இடங்களில் இலேசானது முதல் மிதமான மழை பெய்யக் கூடும் என்றும், மார்ச் 27 அன்று உள் மாவட்டங்களில் ஓரிரு இடங்களில் மிதமான மழை பெய்யக்கூடும் என்றும் குறிப்பிட்டுள்ளது.

மார்ச் 28, 29 ஆகிய நாட்களில் மேற்குத் தொடர்ச்சி மலையோர மாவட்டங்கள், டெல்டா மாவட்டங்களில் மிதமான மழை பெய்யக்கூடும் எனக் குறிப்பிட்டுள்ளது. இன்று காலை எட்டரை மணியுடன் முடிந்த 24 மணி நேரத்தில் அதிக அளவாகக் கோவை மாவட்டம் சின்கோனாவில் 3 சென்டிமீட்டர் மழை பதிவாகியுள்ளது.

சின்ன கல்லாறு, வால்பாறை, புதுக்கோட்டை மாவட்டம் அரிமளம், விருதுநகர் மாவட்டம் சிவகாசி ஆகிய இடங்களில் 2 சென்டிமீட்டர் மழை பதிவாகியுள்ளது.