கடலூர் மாவட்டம் திட்டக்குடி அருகே தனியார் பேருந்து மீது 4 பேர் சென்ற ஒரு பைக் நேருக்கு நேர் மோதிய விபத்தில் 3 பேர் பரிதாபமாக உயிரிழந்தனர்.

மருதாத்துர் கிராமத்தை சேர்ந்த கருப்புசாமி, ஆறுமுகம், செல்வராணி மற்றும் விஜய் ஆகிய 4 பேர், விதிகளை மீறி ஹெல்மெட் அணியாமல் ஒரே இருசக்கர வாகனத்தில் பூலாம்பாடிக்கு துக்க நிகழ்ச்சிக்கு சென்றுக் கொண்டிருந்தனர்.

அப்போது, வேப்பூர்- பெண்ணாடம் சாலையில் எதிரே வந்த தனியார் பேருந்து மீது கட்டுபாட்டை இழந்த இவர்களது இருசக்கர வாகனம் நேருக்கு நேர் மோதியது. அதில், கருப்புசாமி, ஆறுமுகம் ஆகியோர் சம்பவ இடத்திலேயே உயிரிழந்தனர்.

படுகாயங்களுடன் செல்வராணி, விஜய் மீட்கப்பட்ட நிலையில், மருத்துவமனைக்கு கொண்டு செல்லும் வழியிலேயே விஜய் உயிரிழந்தார்.