தி.மு.க ஆட்சி என்பது ஒரு கட்சியின் ஆட்சி அல்ல, ஒரு இனத்தின் ஆட்சி என குறிப்பிட்ட முதலமைச்சர் மு.க.ஸ்டாலின், உலகம் முழுவதும் வாழும் தமிழர்களுக்கு கலங்கரை விளக்கமாக தி.மு.க. திகழ்வதாக தெரிவித்தார்.
நகர்ப்புற உள்ளாட்சித் தேர்தலில், கன்னியாகுமரி மாவட்டத்தில் போட்டியிடும் திமுக மற்றும் கூட்டணிக் கட்சி வேட்பாளர்களை ஆதரித்து காணொலி வாயிலாக முதலமைச்சர் பிரச்சாரம் மேற்கொண்டார்.
அதில் பேசிய அவர், இந்திய விடுதலை போராட்ட தியாகிகள், மொழிப்போர் தியாகிகளை போல, குமரி மாவட்ட எல்லை போராட்ட தியாகிகளை மதித்து போற்றியது திமுக என குறிப்பிட்டார். மேலும், திமுக ஆட்சியில் அமைக்கப்பட்ட திருவள்ளுவர் சிலை, தமிழர்களின் பெருமைகளையும், தொன்மையையும் எட்டுத்திக்கும் எடுத்து சொல்வதாக கூறினார்.
