முல்லைப் பெரியாறு அணைக்கு எதிராகக் கேரளத்தில் சமூக வலைத்தளங்களில் பரப்பப்படும் நச்சுப் பிரச்சாரத்தை நிறுத்திக்கொள்ள வேண்டும் என 5 மாவட்ட விவசாய சங்கங்களின் ஒருங்கிணைப்பாளர் அன்வர் பாலசிங்கம் கேட்டுக்கொண்டுள்ளார்.

அவர் விடுத்துள்ள குரல் பதிவில், அணை வலுவாக இருப்பதாக உச்சநீதிமன்றம் தெரிவித்துள்ளதையும், கேரளத்துக்குத் தமிழ்நாட்டில் இருந்து 66 வகையான உணவுப் பொருட்கள் அனுப்பப்படுவதையும் சுட்டிக் காட்டியுள்ளார்.

5 மாவட்டங்களில் ஒருகோடி மக்களின் குடிநீர்த் தேவையை நிறைவு செய்யும் முல்லைப் பெரியாறு அணைக்கு எதிராக நச்சுப் பிரச்சாரத்தைக் கைவிடாவிட்டால் 2011ஆம் ஆண்டில் செய்தது போலக் கேரளத்துக்கு எதிராக மீண்டும் பொருளாதார வணிக முறையிலான முற்றுகையைத் தொடங்க வேண்டியிருக்கும் என எச்சரித்துள்ளார்.