திரைத்துறையின் உயரிய விருதான தாதா சாஹேப் பால்கே விருது பெற்றுள்ள நடிகர் ரஜினிகாந்திற்கு, கவிஞர் வைரமுத்து வாழ்த்து தெரிவித்துள்ளார்.
இதுகுறித்து டிவிட்டரில் பதிவிட்டுள்ள அவர், பால்கே விருது பெற்றதில் கலை உலகுக்கே நண்பர் ரஜினிகாந்த் பெருமை சேர்த்துள்ளார் என்றும் அவரை ஊர்கூடி வாழ்த்துவோம் என்றும் குறிப்பிட்டுள்ளார்.
மேலும், கமல்ஹாசன், பாரதிராஜா, இளையராஜா என்று பால்கே விருதுக்குத் தகுதிமிக்க பெருங்கலைஞர்கள் தமிழ்நாட்டில் திகழ்கிறார்கள் என்பதை மத்திய அரசின் கண்களுக்குக் காட்டுவோம் எனவும் பதிவிட்டுள்ளார்.
