ஆப்கானிஸ்தான் தலைநகர் காபூலில் நடுவானில் பறந்து கொண்டிருந்த விமானத்தில் இருந்து, 2 பேர் கீழே விழுந்து பலியான வீடியோ வெளியாகி உள்ளது.
ஆப்கானிஸ்தானை தலிபான்கள் கைப்பற்றி இருப்பதால், பீதியில் ஏராளமானோர் அங்கிருந்து வெளியேற முயற்சித்து வருகின்றனர். இந்த நிலையில் காபூலில் விமானத்தின் டயர் அமைந்துள்ள பகுதியில் தொங்கியபடி பயணித்ததாக கூறப்படும் 2 பேர் கீழே விழுந்தனர்.
இதனிடையே காபூலில் இருந்து அமெரிக்க வீரர்களை ஏற்றிக் கொண்டு புறப்பட்ட அமெரிக்க விமானப்படை விமானத்தில் ஏறும் முயற்சியில் பலர் ஓடுபாதையில் கூட்டமாக ஓடிய மற்றொரு வீடியோ காட்சியும் வெளியாகியுள்ளது.
