அமெரிக்காவிற்கு வருகை தரும் பயணிகள் கொரோனா சோதனைக்குப் பிறகு தனிமைப்படுத்தப்படுவார்கள் என்று அதிபர் ஜோ பைடன் தெரிவித்துள்ளார்.

வாஷிங்டனில் பேசிய அவர், விமானப் பயணிகள் அனைவருக்கும் விமானம் புறப்படுவதற்கு முன்பாக கொரோனா சோதனை செய்யப்பட வேண்டியது அவசியம் என்றார்.

விமான பயணத்தின் போது மாஸ்க் கண்டிப்பாக அணிய வேண்டும் என்றும் அவர்கள் வேறொரு நாட்டில் இருந்து அமெரிக்காவிற்கு புறப்படுவதற்கு முன்பும், விமானத்தில் ஏறுவதற்கு முன்பும் கொரோனா சோதனை செய்யப்படுவது அவசியம் என்றும் கூறினார்.

சோதனை தேவை என்பது முந்தைய டிரம்ப் அரசால் அறிவிக்கப்பட்டது என்று கூறிய பைடன் தனிமைப்படுத்துதல் என்பது பரிந்துரை மட்டுமே என்றார்.