தமிழகத்தில் பொறியியல் கல்லூரிகளில் வகுப்புகள் தொடங்குவது குறித்து அண்ணா பல்கலை கழகம் அறிவித்துள்ளது.

இதுகுறித்த அறிவிப்பில், பொறியியல் நான்காம் ஆண்டு மாணவர்களுக்கு ஏப்ரல் 12 ஆம் தேதி வரை வகுப்புகள் நடைபெறும் என்று கூறப்பட்டுள்ளது.

ஏப்ரல் 15 முதல் செய்முறைத் தேர்வும், ஏப்ரல் 26 முதல் எழுத்துத் தேர்வும் நடைபெறுமென குறிப்பிடப்பட்டுள்ளது.

இதே போன்று இரண்டாம் ஆண்டு, மூன்றாம் ஆண்டு மாணவர்களுக்கு பிப்ரவரி 18-ம் தேதி வகுப்புகள் தொடங்கி, மே 21-ம் தேதி வரை  நடைபெறும் என்றும் மே 24-ல் செய்முறைத் தேர்வுகள் தொடங்கும் என்றும், ஜூன் 2-ல் எழுத்துத் தேர்வு தொடங்கும் என்றும் தெரிவிக்கப்பட்டுள்ளது.