கிரிக்கெட் வீரர் நடராஜனுக்கு வரவேற்பு அளிப்பதற்காக அவரது சொந்த ஊரான சின்னப்பம்பட்டியில் போடப்பட்டிருந்த பந்தல், சுகாதாரத்துறை அதிகாரிகள் அறிவுறுத்தியதால் அகற்றப்பட்டது.

ஆஸ்திரேலியாவுக்கு எதிரான டெஸ்ட் தொடரை முடித்துக் கொண்டு சொந்த ஊர் திரும்பும் தமிழக கிரிக்கெட் வீரர் நடராஜனை வரவேற்க அவரது சொந்த ஊரில் ஊர்மக்கள் மற்றும் உறவினர்கள் சார்பில் பல்வேறு ஏற்பாடுகள் செய்யப்பட்டிருந்தன.

இந்த நிலையில், கொரோனா அச்சுறுத்தல் காரணமாக, கூட்டம் அதிகளவில் சேரக்கூடாது என அறிவுறுத்திய சுகாதாரத்துறை அதிகாரிகள், எளிமையான முறையில் கொண்டாட்டங்கள் நடத்த கேட்டுக்கொண்டனர்.