கொரோனா தடுப்பூசி போட்டுக்கொள்ள அச்சப்பட வேண்டாம் என உலக நலவாழ்வு நிறுவனம் தெரிவித்துள்ளது.
ஜெனீவாவில் செய்தியாளர்களிடம் பேசிய உலக நலவாழ்வு நிறுவன உதவி இயக்குநர் மரி ஏஞ்சலா சிமாவோ, அனைத்து நாடுகளிலும் அனைத்து மக்களுக்கும் தடுப்பூசி போடுவதை உறுதி செய்யப் பாடுபட்டுக் கொண்டிருப்பதாகத் தெரிவித்தார்.
கொரோனா தடுப்பூசி போட யாரும் அச்சப்பட வேண்டாம் என்றும், அனைவரும் தடுப்பூசி போட்டுக்கொள்ள வேண்டும் என்றும் தெரிவித்தார்.
உலகின் 50 நாடுகளில் தடுப்பூசி இயக்கம் தொடங்கியுள்ளதாகவும், அவற்றில் நாற்பதுக்கு மேற்பட்ட நாடுகள் உயர்வருமானமுள்ள நாடுகள் என்றும் குறிப்பிட்டார்.
