வெள்ளை மாளிகையை விட்டு வெளியேறும் முன் டிரம்ப் தனக்கு ஒரு கடிதம் எழுதி வைத்து விட்டுச் சென்றதாக அமெரிக்காவின் புதிய அதிபர் ஜோ பைடன் தெரிவித்துள்ளார்.

இதுகுறித்து செய்தியாளர்களிடம் பேசிய அவர், அதிபரின் பாரம்பரிய அலுவலகமாக ஓவல் அலுவலகத்தில் இருந்து இந்தக் கடிதம் தனக்கு கிடைக்கப் பெற்றதாகக் கூறும் பைடன், கடிதத்தில் உள்ள சாராம்சங்கள் குறித்து தெரிவிக்க மறுத்து விட்டார்.

அதே நேரத்தில் கடிதத்தில் பெருந்தன்மையான வாசகங்கள் இடம்பெற்றிருந்ததாக அவர் குறிப்பிட்டார். முன்னதாக பைடன் பதவியேற்கும் விழாவில் தான் பங்கேற்பதில்லை என்று கூறிய டிரம்ப், அதன்படியே அந்நிகழ்ச்சியைப் புறக்கணித்துச் சென்றது குறிப்பிடத்தக்கது.