குறைக்கப்பட்ட பாடத்திட்டத்தின் அடிப்படையில்  மாநில கல்வியியல் ஆராய்ச்சி குழு புதிய பாடத்திட்டத்தை வகுத்து கொடுத்திருப்பதாகவும், அதன் அடிப்படையில் ஆசிரியர்கள் தங்களை தயார் படுத்திக் கொண்டு மாணவர்களுக்கு கற்பிப்பார்கள் எனவும் பள்ளிக்கல்வித்துறை இயக்குநர் கண்ணப்பன் தெரிவித்துள்ளார். 

தமிழகத்தில் 10 மாதங்களுக்குப் பின்னர் இன்று பள்ளிகள் தொடங்கியுள்ள நிலையில்,  பள்ளிக்கல்வி இயக்குநர் கண்ணப்பன் சென்னை அசோக் நகரில் உள்ள அரசினர் பெண்கள் மேல்நிலைப் பள்ளியில் வகுப்பறைகளை ஆய்வு செய்தார்.

பின்னர் செய்தியாளர்களிடம் பேசிய அவர், மாணவர்களுக்கு முதல் இரண்டு நாட்களுக்கு பொதுத்தேர்வை எதிர்கொள்வது உள்ளிட்ட ஆலோசனைகள்  வழங்கப்படும் எனத் தெரிவித்தார்.