திண்டுக்கல் மாவட்டம் வேடசந்தூரில் டாஸ்மாக் கடை ஒன்றில் கள்ள மது விற்பவர்களால் காவலர் ஒருவர் தாக்கப்பட்ட சம்பவத்தின் சிசிடிவி காட்சிகள் வெளியாகியுள்ளன.
கடந்த 14ஆம் தேதி இரவு கள்ளச்சந்தையில் மது விற்கும் ஒரு கும்பல், வேடசந்தூரிலுள்ள டாஸ்மாக் கடை ஒன்றில் மொத்தமாக மது பாட்டில்களை வாங்கியுள்ளனர். அப்போது அங்கு சாதாரண உடையில் ஆய்வில் ஈடுபட்டிருந்த மதுவிலக்குப் பிரிவு காவலர் மாரிமுத்து என்பவர், அவர்களை தட்டிக்கேட்டுள்ளார்.
காவலர் மாரிமுத்துவை ஆபாசமாகப் பேசிய அந்தக் கும்பல், அவரை சரமாரியாகத் தாக்கியது. இடையில் புகுந்து தடுக்க முயன்ற ஒரு காவலரையும் தள்ளிவிட்டுவிட்டு அந்த கும்பல் தாக்குதல் நடத்திய சிசிடிவி காட்சிகள் வெளியாகியுள்ளன.
காவலர் மாரிமுத்து மருத்துவமனையில் சேர்க்கப்பட்ட நிலையில், 3 பேரை போலீசார் கைது செய்துள்ளனர்.
