கொரோனா பரவல் அச்சம் காரணமாக நடப்பாண்டு தேர்வுகளை தள்ளிவைக்க வேண்டுமென, மத்திய கல்வி அமைச்சர் ரமேஷ் பொக்ரியாலிடம் பள்ளி மாணவர்கள் கோரிக்கை விடுத்துள்ளனர்.

அமைச்சர் ரமேஷ் பொக்ரியால், கேந்திரிய வித்யாலயா  பள்ளி மாணவர்களுடன் இணையவழியில் கலந்துரையாடினார். அப்போது மாணவர்கள் பலர் நடப்பாண்டு தேர்வுகளை ஒத்தி வைக்க வேண்டுமென அவரிடம் வலியுறுத்தினர்.

மேலும் பலர் ஆன்லைன்  வகுப்புகளால் சரிவர கல்வி கற்க இயலவில்லை என கவலை தெரிவித்தனர். கேந்திர வித்தியாலயா பள்ளிகள் எப்போது திறக்கப்படும் என கேள்வி எழுப்பிய மாணவர்களில் ஒரு சிலர், தங்களுக்கு கொரோனா தடுப்பு மருந்து அளிக்க வேண்டுமெனவும், கோரிக்கை விடுத்தனர்.