திமுக தலைவர் மு.க.ஸ்டாலின் தலைமையில் அக்கட்சியின் மாவட்டச் செயலாளர்கள் கூட்டம் 21ஆம் தேதி நடைபெறுகிறது.

வரும் வியாழக்கிழமை மாலை 5.00 மணி அளவில், அண்ணா அறிவாலயம், கலைஞர் அரங்கத்தில் நடைபெறும் இக்கூட்டத்தில், திமுக ஆக்கப் பணிகள் குறித்து விவாதிக்கப்பட உள்ளதாக தெரிவிக்கப்பட்டுள்ளது.

திமுக மாவட்டச் செயலாளர்கள் அனைவரும் தவறாமல் கலந்து கொள்ளும்படி தி.மு.க. பொதுச்செயலாளர் துரைமுருகன் கேட்டுக்கொண்டுள்ளார்.

சட்டப்பேரவை தேர்தலுக்கு முழுவீச்சில் திமுக தயாராகி வரும் நிலையில், அடுத்த கட்ட பிரச்சார திட்டங்கள், மாவட்டந்தோறும் செய்யப்பட வேண்டிய தேர்தல் வேலைகள் குறித்து விவாதிக்கப்படும் என தகவல்கள் தெரிவிக்கின்றன.