சீனாவின் ஜின்ஜியாங் மாகாணத்தில் உள்ள காஷ்கர் நகரில் 17 வயதான இளம்பெண்ணுக்கு அறிகுறி இல்லா கொரோனா தொற்று கண்டுபிடிக்கப்பட்டதை அடுத்து, அங்கு சுமார் 47 லட்சம் பேருக்கு கொரோனா சோதனை நடத்தப்பட்டு வருகிறது.

இதில் இது வரை 137 பேருக்கு எந்த அறிகுறியும் இல்லாமல் வைரஸ் தொற்று ஏற்பட்டது கண்டுபிடிக்கப்பட்டுள்ளது.

அறிகுறி இல்லா தொற்று உறுதி செய்யப்பட்ட 137 பேரும் இந்த இளம்பெண்ணின் பெற்றோர் வேலை செய்யும் தொழிற்சாலையில் பணியாற்றுபவர்கள் என்பது குறிப்பிடத்தக்கது.

நேற்று பிறபகல் வரை 28 லட்சம் பேருக்கு  சோதனை நடத்தப்பட்டுள்ளது. நாளைக்குள் எஞ்சியவர்களுக்கும் சோதனை நடத்தி முடிக்கப்படும் என எதிர்பார்க்கப்படுகிறது.