Polimer News
அரசியல் முக்கிய செய்தி

நாளையுடன் ஓய்கிறது பரப்புரை

தமிழகத்தில் மக்களவை, 18 சட்டப் பேரவைத் தொகுதிகளின் இடைத் தேர்தல்களுக்கான பிரசாரம் நாளை மாலையுடன் ஓய்கிறது.

தமிழகத்தில் 39 மக்களவைத் தொகுதிகளுக்கும், 18 சட்டப் பேரவைத் தொகுதிகளுக்கும் வரும் 18ஆம் தேதி வாக்குப்பதிவு நடைபெறவுள்ளது. புதுச்சேரி தொகுதிக்கும், தட்டான்சாவடி சட்டப்பேரவைத் தொகுதிக்கும் அதே நாளில் தேர்தல் நடக்கிறது. இதையொட்டி,தேர்தலுக்கான நடத்தை நெறிமுறைகள் கடந்த மாதம்10-ஆம் தேதி முதல் நடைமுறைக்கு வந்தன.

கொளுத்தும் வெயிலையும் பொருட்படுத்தாமல் பல்வேறு கட்சித் தலைவர்களும், வேட்பாளர்களும் கடந்த 3 வாரங்களாக தீவிர வாக்குச் சேகரிப்பில் ஈடுபட்டு வருகின்றனர்.

இந்நிலையில், நாளை மாலை 6 மணிக்கு பிரசாரம் ஓய்வதால் தேர்தல் ஆணையம் பல்வேறு நடவடிக்கைகளை தீவிரப்படுத்தியுள்ளது. பிரசாரம் ஓய்ந்தபின் வெளியூரைச் சேர்ந்தவர்கள் தங்க அனுமதிக்கப்பட மாட்டார்கள் என அறிவிக்கப்பட்டுள்ளது.

விடுதிகள், மண்டபங்கள் உள்பட பல்வேறு இடங்களில் தேர்தல் தொடர்பாக வெளியூர்களைச் சேர்ந்தவர்கள் தங்கியுள்ளார்களா என்பதைக் கண்காணிக்க காவல் துறையினருக்கு உத்தரவிடப்பட்டுள்ளது. வருமான வரி அதிகாரிகள் மற்றும் பறக்கும் படையினர் சோதனையில் கோடிக்கணக்கில் பணம் கைப்பற்றப்பட்டுள்ளதால், இரண்டு நாட்களுக்கு வாகனச் சோதனை தீவிரமாக்கப்பட்டுள்ளது.

Related posts

Polimer News