அமிர்தசரஸ் பொற்கோவிலில் டிக்டாக் வீடியோ எடுக்க தடை
பஞ்சாப் மாநிலம் அமிர்தசரஸ் பொற்கோவிலில், டிக்டாக் வீடியோ எடுக்க தடை விதிக்கப்பட்டுள்ளது.
பொற்கோவிலில், புகைப்படம், 'வீடியோ' எடுக்கக்கூடாது என அறிவிக்கப்பட்ட பின்னரும் சிலர் வரம்பு மீறுகின்றனர். கோவிலின் தர்பார் சாஹிப் வளாகத்திற்குள் எடுத்த, நடன வீடியோவை ஒரு பெண், 'டிக் டாக்' செயலியில் வெளியிட்டார்.
பின், தனது நடவடிக்கைக்கு மன்னிப்பு கேட்டார். அதுபோல், மூன்று பெண்கள் பஞ்சாபி பாடலுடன், கோவிலில் எடுத்த வீடியோவை, டிக்டாக்கில் வெளியிட்டுள்ளனர். அவர்கள் மீது, போலீசில் புகார் அளிக்கப்பட்டுள்ளது. இந்நிலையில், டிக்டாக்கிற்காக, வீடியோக்கள், புகைப்படங்களை பொற்கோவில் வளாகத்தில் எடுக்க கூடாது என திருத்தலம் முழுவதும் போஸ்டர்களையும், பதாகைகளையும், கோவில் நிர்வாகம் வைத்திருக்கிறது.
RELATED POSTS
Comments