இந்திய வீரர் ரோகித் சர்மா புதிய உலக சாதனை..!

சர்வதேச இருபது ஓவர் கிரிக்கெட் போட்டிகளில் அதிக முறை 50 ரன்களைக் கடந்த வீரர் எனும் சாதனையை இந்திய வீரர் ரோகித் சர்மா நிகழ்த்தியுள்ளார்.

நியூசிலாந்துக்கு எதிரான 5 ஆவது இருபது ஓவர் கிரிக்கெட் போட்டியில் களம் இறங்கிய ரோகித் சர்மா அதிரடியாக விளையாடி 60 ரன்கள் குவித்தார்.

இதன் மூலம் இருபது ஓவர் போட்டிகளில் 21ஆவது அரைசதத்தை பதிவு செய்த ரோகித், ஏற்கனவே தான் அடித்துள்ள 4 சதங்களையும் சேர்த்து ஒட்டுமொத்தமாக 25ஆவது முறையாக 50 ரன்களுக்கு மேல் குவித்தார். முன்னதாக இப்பட்டியலில் முதலிடம் வகித்த விராட் கோலியின் சாதனையை ரோகித் சர்மா தற்போது தகர்த்துள்ளார்.