இலங்கைக்கான புதிய இந்திய தூதர் கோபால் பாக்லே நியமனம்
இலங்கைக்கான புதிய இந்திய தூதராக கோபால் பாக்லே நியமிக்கப்பட்டுள்ளார்.
இலங்கை தூதராக இருந்த தரன்ஜித் சிங் சாந்துவை அமெரிக்காவுக்கான தூதராக இந்திய அரசு அண்மையில் நியமித்தது. இதையடுத்து காலியான இலங்கைத் தூதர் பதவியில் 1992ம் ஆண்டு இந்திய வெளியுறவு சேவை பிரிவுஅதிகாரி பாக்லேயை இந்திய அரசு நியமித்துள்ளது.
தற்போது பிரதமர் அலுவலக இணை செயலாளராக பாக்லே பணிபுரிந்து வருகிறார். இதற்கு முன்பு வெளியுறவு அமைச்சக செய்தித் தொடர்பாளர் உள்ளிட்ட பல முக்கிய பதவிகளை பாக்லே வகித்துள்ளார்.
பாகிஸ்தானுக்கான இந்திய துணைத் தூதராகவும் அவர் பணியாற்றியுள்ளார். வெளியுறவு அமைச்சகத்திலுள்ள பாகிஸ்தான், ஆப்கானிஸ்தான், ஈரான் விவகார பிரிவையும் கையாண்டுள்ளார்.
RELATED POSTS
Comments