10ஆம் வகுப்பு பொதுத்தேர்வுக்கான செய்முறைத் தேர்வுகள் தேதி அறிவிப்பு
10-ம் வகுப்பு பொதுத்தேர்வுக்கான செய்முறைத் தேர்வுகளை பிப்ரவரி 21 முதல் 28-ம் தேதிக்குள் நடத்தி முடிக்க அரசுத் தேர்வுகள் இயக்ககம் உத்தரவிட்டுள்ளது.
நடப்பு கல்வியாண்டுக்கான 10-ம் வகுப்பு பொதுத்தேர்வு, புதிய பாடத்திட்டத்தின் கீழ் மார்ச் 27-ம் தேதி தொடங்குகிறது. இந்நிலையில், பள்ளி சார்ந்த மாணவர்களுக்கு பிப்ரவரி 21 முதல் 28 வரையிலும், தனித்தேர்வர்களுக்கு பிப்ரவரி 26 முதல் 28-ம் தேதி வரையிலும் ஏதேனும் ஒரு நாளில் செய்முறை பொதுத்தேர்வுகளை நடத்தி முடித்து, மதிப்பெண் பட்டியலை மார்ச் 3-க்குள் மாவட்டக்கல்வி அலுவலரிடம் ஒப்படைக்க வேண்டும் என்று அனைத்துப்பள்ளி தலைமை ஆசிரியர்களுக்கும் அரசுத் தேர்வுகள் இயக்ககம் உத்தரவிட்டுள்ளது.
தனித்தேர்வர்கள் தாங்கள் பயின்ற பள்ளியில் பிப்ரவரி 26 முதல் 28 வரை ஏதேனும் ஒரு நாளில் தேர்வு எழுத வேண்டும் என்றும் அறிவித்துள்ளது.
RELATED POSTS
Comments