தாயார் கண்முன் பள்ளி மாணவனை கடித்து குதறிய பிட்புல் ரக நாய்
பஞ்சாபில் பள்ளி மாணவன் ஒருவனை அவனது தாயார் கண் முன்னால் பிட் புல் (pitbull) ரக நாய் கடித்து குதறும் வீடியோ காட்சி வெளியாகியுள்ளது.
ஜலந்தரை சேர்ந்த 15 வயது மாணவனான லக்ஸ் உப்பால் (Laksh Uppal), டியூசன் சென்றுவிட்டு வீட்டுக்கு சைக்கிளில் நேற்று மாலை திரும்பினான். அப்போது வந்த பிட் புல் நாய், சிறுவனின் காலை கடித்து தொங்கியது. மாணவனின் அலறல் சத்தம் கேட்டு, தாயார், அவ்வழியே சென்றோர் வந்து கம்பு, கற்கள் உள்ளிட்டவற்றால் தாக்கியபோதும், தண்ணீரை ஊற்றியபோதும் அவனது காலை நாய் விடவில்லை.
சுமார் 15 நிமிடங்கள் கடித்தபடியே இருந்த நாய் ஒரு கட்டத்தில் சுற்றி இருந்தவர்கள் சூழ்ந்து கொண்டு தாக்கியதால் ஓடிவிட்டது. நாய் கடித்ததில் 2 கால்களிலும் பலத்த காயமடைந்த உப்பால், மருத்துவமனையில் அனுமதிக்கப்பட்டான். இந்த வீடியோ வெளியாகி வைரலாக பரவி வருகிறது.
RELATED POSTS
Comments