தஞ்சை பெரிய கோவில் கும்பாபிஷேகத்தையொட்டி தசாஹோமம்...

தஞ்சை பெரிய கோவில் கும்பாபிஷேகத்தையொட்டி, கோவிலைச்சுற்றிலும் நூற்றுக்கும் மேற்பட்ட சிவாச்சாரியர்கள் பங்கேற்கும் தசாஹோமம் நடைபெற்று வருகிறது.

தமிழர்களின் அடையாளச்சின்னமாக விளங்கும் மாமன்னன் ராஜசோழனால் கட்டப்பட்ட இக்கோவில் கும்பாபிஷேகம் வரும் பிப்ரவரி மாதம் 5 ம் தேதி நடைபெற உள்ளது.

இதற்கான முன்னேற்பாடுகள் தொடங்கிய நிலையில், அஸ்த்திர மகாயாகம், வருண சாந்தி எந்திர யாகம், லட்சுமி ஹோமம் உள்ளிட்ட பூர்வாங்க பூஜைகள் நடைபெற்றன. இன்று காலை 10 திசைகளில் தேவதைகளை சாந்தப்படுத்தும் தசாஹோமம் தொடங்கியது.

4 நுழைவு வாயில் பகுதியில் 100 க்கும் மேற்பட்ட் சிவாச்சாரியார்கள் வேதமந்திரங்கள் ஓதி ஹோமம் நடத்திவருகிறார்கள்.

இதற்கிடையே போலீஸ் பாதுகாப்பு பலப்படுத்தப்பட்டு உள்ளது.

விஐபிக்கள் செல்லும் வடக்கு, மற்றும் மராத்தா, ராஜராஜசோழன் ஆகிய நுழைவு வாயில்களில் வெளிநாட்டு, உள்நாட்டு சுற்றுலா பயணிகள் கடும் சோதனைக்கு பிறகு அனுமதிக்கப்பட்டனர். பொதுமக்கள் செல்லும் தெற்கு பாதையிலும் பாதுகாப்பு போடப்பட்டுள்ளது.