நியூசிலாந்து மண்ணில் புதிய வரலாறு படைக்குமா இந்திய அணி..?

இந்தியா- நியூசிலாந்து அணிகளுக்கு இடையே மூன்றாவது டி-20 கிரிக்கெட் போட்டி ஹாமில்டனில் இன்று நடைபெறுகிறது.

5 போட்டிகள் கொண்ட டி20 தொடரில், இந்திய அணி 2-0 என்ற கணக்கில் தற்போது முன்னிலையில் உள்ளது. இன்றைய போட்டியில் வெற்றிப்பெற்றால் தொடரை கைப்பற்றலாம் என்பதால், இந்தியா அணி கடுமையாக போராடும் என எதிர்பார்க்கலாம்.

நியூசிலாந்து மண்ணில் டி-20 தொடரை இந்திய அணி கைப்பற்றியதே இல்லை என்பதால், புதிய வரலாறு படைக்குமா என்ற எதிர்பார்ப்பு ரசிகர்கள் மத்தியில் எழுந்துள்ளது.

அதே சமயம் சொந்த மண்ணில் நடைபெறும் தொடரை தக்கவைக்க இன்றைய போட்டியில் வெற்றி பெற வேண்டிய கட்டாயத்தில் நியூசிலாந்து அணி உள்ளதால், இப்போட்டி இரு அணிகளுக்கும் சவாலாக இருக்க வாய்ப்புள்ளது.