உணவு உற்பத்தியில் முதல் மூன்று நாடுகளில் ஒன்றாக இந்தியா உயர்வு - பிரதமர் மோடி

உணவுப் பொருட்களின் உற்பத்தியில் முதல் மூன்று நாடுகளில் ஒன்றாக இந்தியா உருவெடுத்துள்ளதாக பிரதமர் நரேந்திர மோடி கூறி உள்ளார். 

உருளைக்கிழங்கு விளைச்சல் குறித்த ஆய்வு, அதில் உள்ள சவால்கள், தீர்வுகள் குறித்து விவாதிக்க 10 ஆண்டுகளுக்கு ஒருமுறை ‘சர்வதேச உருளைக்கிழங்கு மாநாடு’  நடத்தப்படுகிறது.

நடப்பு ஆண்டுக்கான 3 நாட்கள் மாநாடு குஜராத் மாநிலம் காந்தி நகரில் தொடங்கி உள்ளது. இந்த மாநாட்டில் காணொலி காட்சி மூலம் பேசிய பிரதமர் மோடி, விவசாயிகளின் கடின உழைப்பு மற்றும் அரசாங்க கொள்கைக காரணமாக உணவுப் பொருள் உற்பத்தியில் முதல் மூன்று நாடுகளில் ஒன்றாக இந்தியா உருவெடுத்துள்ளது என்றார்.  2022-க்குள் விவசாயிகளின் வருமானத்தை இரட்டிப்பாக்க முயற்சி எடுக்கப்படுதாக அவர் கூறினார்.

ஒவ்வொரு துளி நீருக்கும் அதிக அறுவடை என்ற குறிக்கோளுடன் விவசாயிகள் சாகுபடி பணிகளை மேற்கொள்ள வேண்டும் என்று அவர் கேட்டுக் கொண்டார்.