தேசிய மாணவர் படை அணிவகுப்பு மரியாதையை ஏற்றார் பிரதமர் மோடி
டெல்லியின் கரியப்பா மைதானத்தில் நடைபெற்ற தேசிய மாணவர் படை அணிவகுப்பு மரியாதையை பிரதமர் மோடி ஏற்றுக்கொண்டார்.
குடியரசு தின முகாமிற்காக நாட்டின் பல்வேறு இடங்களில் இருந்து டெல்லிக்கு வந்த நூற்றுக்கணக்கான என்சிசி மாணவர்கள், கலை நிகழ்ச்சிகள், சாகச விளையாட்டுகள், இசை போன்றவற்றில் தங்களின் திறமைகளை பிரதமர் நரேந்திர மோடி முன்னிலையில் வெளிப்படுத்தினர்.
இதில், ரஷ்யா, பூடான் மற்றும் நேபாளம் நாடுகளைச் சேர்ந்த மாணவ, மாணவியர்களும் பங்கேற்று அணிவகுப்பு நிகழ்த்தியதோடு பல்வேறு சாகசங்களில் ஈடுபட்டனர்.
தேசிய மாணவர் படை எனப்படும் என்.சி.சி.யின் செயல்முறைகளை விளக்கும் வகையில் பல்வேறு வகையான வாகன அணிவகுப்பும் நிகழ்ச்சியில் இடம் பெற்றது.
இதை தொடர்ந்து, என்.சி.சி. படைப்பிரிவில் சிறந்து விளங்கிய மாணவ, மாணவியர்களுக்கு பிரதமர் நரேந்திர மோடி விருது வழங்கினார்.
RELATED POSTS
Comments