ஆடிட்டர் குருமூர்த்தியின் வீட்டில் பெட்ரோல் குண்டு வீச முயற்சி
சென்னையில் ஆடிட்டர் குருமூர்த்தியின் வீட்டில் பெட்ரோல் குண்டு வீச முயன்றதாக, தந்தை பெரியார் திராவிடர் கழகத்தைச் சேர்ந்த 8 பேரை போலீசார் கைது செய்தனர்.
அதிகாலை நேரத்தில் சிலர், ஆடிட்டர் குருமூர்த்தி வீட்டின் மீது பெட்ரோல் குண்டு வீச முயற்சித்தனர். அப்போது, பாதுகாப்பில் இருந்த காவலர்களைக் கண்டதும், அவர்கள் தப்பிச் சென்றனர். புகாரின் அடிப்படையில், சிசிடிவி காட்சி உதவியுடன் விசாரணை நடத்திவந்த மயிலாப்பூர் போலீசார், தந்தை பெரியார் திராவிடர் கழகத்தைச் சேர்ந்த 8 பேரை கைது செய்தனர்.
அவர்களில் ஒருவரான சசிகுமார் மீது, ஏற்கெனவே பல வழக்குகள் நிலுவையில் உள்ளது. துரித நடவடிக்கை மேற்கொண்ட போலீசாருக்கு, சென்னை பெருநகர காவல் ஆணையர் பாராட்டு தெரிவித்தார்.
Comments