ஆஸி ஓபன்: ஆடவருக்கான காலிறுதிக்கு ஜோகோவிச் முன்னேற்றம்
ஆஸ்திரேலிய ஒபன் டென்னிஸ் காலிறுதி போட்டிக்கு, செர்பிய வீரர் நோவக் ஜோகோவிச் (Novak Djokovic ) முன்னேறியுள்ளார். மெல்பேர்னில் நடைபெற்ற ஆடவருக்கான 4ஆவது சுற்றுப்போட்டியில், அர்ஜென்டினா வீரர் டியோகோ ஸ்வார்ட்மேனை (Diego Schwartzman) எதிர்கொண்டார். விறுவிறுப்பாக நடைபெற்ற போட்டியில், 6-3 6-4 6-4 என்ற செட் கணக்கில் ஜோகோவிச் வெற்றி பெற்றார்.
மகளிருக்கான 4ஆவது சுற்றுப் போட்டியில் துனிசியா வீராங்கனை ஆன்ஸ் ஜெபியூர் (Ons Jabeur), சீன வீராங்கனை வாங் கியாங்குடன் (Wang Qiang) மோதினார்.
இதில் 7-6, 6-1 என்ற செட் கணக்கில் வெற்றி பெற்று காலிறுதிக்கு ஆன்ஸ் ஜெபியூர் தகுதி பெற்றார். இதன்மூலம், ஆஸ்திரேலிய ஒபன் டென்னிஸ் போட்டியில் காலிறுதிக்கு முன்னேறிய அரேபிய மண்டலத்தை சேர்ந்த முதல் வீராங்கனை எனும் பெருமையை அவர் பெற்றார்.
RELATED POSTS
Comments