நேதாஜி சுபாஷ் சந்திர போசுக்கு பிரதமர் மோடி புகழாரம்

சுபாஷ் சந்திரபோசின் துணிச்சலுக்கும், நிலையான பங்களிப்பிற்கும் இந்தியா எப்போதும் நன்றியுடன் இருக்கும் என்று பிரதமர் நரேந்திர மோடி தெரிவித்துள்ளார்.

‘நேதாஜி’ சுபாஷ் சந்திரபோசின் 123வது பிறந்தநாளை யொட்டி அவருக்கு மரியாதை செலுத்தும் விதத்தில் பிரதமர் நரேந்திர மோடி புகழாரம் சூட்டியுள்ளார். இதுகுறித்து அவர் தமது டுவிட்டர் பக்கத்தில், நேதாஜி தனது வாழ்க்கையை ஒரு பெரிய லட்சியத்திற்காக அர்ப்பணித்தார் என்றும், சக இந்தியர்களின் முன்னேற்றத்துக்காகவும் நல்வாழ்வுக்காகவும் போராடினார்’, என்றும் மோடி கூறியுள்ளார்.

காலனித்துவத்தை எதிர்த்த சுபாஷ் சந்திரபோஸின் துணிச்சலுக்கும், நிலையான பங்களிப்பிற்கும் இந்தியா எப்போதும் அவருக்கு நன்றியுடன் இருக்கும் என்றும் மோடி தெரிவித்துள்ளார்.