எமர்ஜென்ஸி லைட் பேட்டரியில் தங்கம் கடத்தல்

எமர்ஜென்ஸி லைட் பேட்டரியில் மறைத்து கடத்தி வரப்பட்ட தங்கத்தை சென்னை விமானநிலையத்தில் சுங்கத்துறை அதிகாரிகள் பறிமுதல் செய்தனர்.

அபுதாபியில் இருந்து வரும் விமானத்தில் தங்கம் கடத்தி வரப்படுவதாக கிடைத்த தகவலையடுத்து, பயணிகளிடம் அதிகாரிகள் சோதனை நடத்தினர். அப்போது சந்தேகத்திற்கிடமாக இருந்த ஒரு பயணியை சோதனை செய்தபோது, அவர் வைத்திருந்த எமர்ஜென்ஸி லைட் பேட்டரியில் தங்கக்கட்டிகள் இருந்தது தெரியவந்தது.

இதையடுத்து அந்தப் பயணியிடம் இருந்து ஒரு கோடியே ஒரு லட்சம் ரூபாய் மதிப்புள்ள 2 கிலோ 600 கிராம் தங்கத்தை அதிகாரிகள் பறிமுதல் செய்தனர். இதனை தொடர்ந்து அந்த நபரிடம் விசாரணை நடத்தி வருகின்றனர்.