ஆஸ்திரேலிய ஓபன் டென்னிஸ் போட்டியில் தமிழக வீரர் தோல்வி

ஆஸ்திரேலிய ஒபன் டென்னிஸ் போட்டியில் தமிழக வீரர் குணேஸ்வரன் தொடக்க சுற்றிலேயே தோல்வி அடைந்தார். கிராண்ட்சிலாம் போட்டிகளில் ஒன்றான ஆஸ்திரேலிய ஒபன் டென்னிஸ் போட்டி மெல்போர்ன் நகரில் தொடங்கி உள்ளது.

இதில் உலகின் 2-ம் நிலை வீராங்கனையான கரோலினா பிளிஸ்கோவா முதல் சுற்று ஆட்டத்தில் கிறிஸ்டினாவை எதிர்கொண்டார். இதில் பிளிஸ்கோவா 6-1, 7-5 என்ற நேர்செட் கணக்கில் வெற்றி பெற்றார்.

மற்றொரு ஆட்டத்தில் 6-ம் நிலை வீராங்கனையான பெலிண்டாபென்சிக் 6-3, 7-5 என்ற நேர்செட் கணக்கில் அனாகரோலினாவை தோற்கடித்தார். முன்னணி வீரர்களில் ஒருவரான சிலிச் தொடக்க சுற்றில் 6-3, 6-2, 6-4 என்ற நேர்செட் கணக்கில் மவுட் டெட்டை தோற்கடித்தார்.

தமிழக வீரர் குணேஸ்வரன் தொடக்க சுற்றிலேயே தோல்வி அடைந்தார். அவர் 4-6, 2-6, 2-7 என்ற கணக்கில் இடோவிடம் தோல்வி அடைந்தார்.