கரோனா வைரஸ் தாக்குதலுக்கு பலியானோர் எண்ணிக்கை 4ஆக அதிகரிப்பு
சீனாவில் கரோனா வைரஸ் தாக்குதலுக்கு உயிரிழந்தோர் எண்ணிக்கை 4ஆக அதிகரித்துள்ளது.
ஆட்கொல்லி கரோனா வைரஸ் சீனாவில் மீண்டும் வேகமாக பரவி வரும் நிலையில், சர்வதேச அளவிலும் இவ்வைரஸ் அச்சுறுத்தலை ஏற்படுத்தியுள்ளது. இந்நிலையில் கரோனா வைரஸ் பாதிப்பால் அதிகம் பேர் பாதிக்கப்பட்டுள்ள வூகான் நகரிலேயே, 89 வயது முதியவர் ஒருவர் உயிரிழந்துள்ளார்.
இது தொடர்பான அறிக்கையை செவ்வாய்கிழமை வெளியிட்ட வூகான் சுகாதார ஆணையம், முதியவர் கடந்த ஞாயிற்றுக்கிழமை உயிரிழந்ததாக தெரிவித்துள்ளது.
கரோனா பாதிப்பால் ஏற்கனவே 3 பேர் உயிரிழந்துள்ள நிலையில், பலி எண்ணிக்கை 4 ஆக அதிகரித்துள்ளது. வூகான் நகரில் மட்டுமே 200க்கும் மேற்பட்டோர் கரோனோ வைரஸ் தொற்றால் பாதிக்கப்பட்டுள்ளதாகவும் சுகாதார ஆணையம் வெளியிட்டுள்ள அறிக்கையில் கூறப்பட்டுள்ளது.
RELATED POSTS
Comments