தேர்வு எழுதும் மாணவர்களுடன் பிரதமர் கலந்துரையாடல்

பொதுத் தேர்வுகள் மற்றும் நுழைவுத் தேர்வுகள் எழுதும் மாணவர்களுடன் பிரதமர் மோடி இன்று கலந்துரையாடுகிறார்.

இதுதொடர்பாக மனிதவள மேம்பாட்டுத் துறை அமைச்சகம் விடுத்துள்ள அறிக்கையில், தேர்வு குறித்த விவாதம் என்ற தலைப்பில் மோடி 3 வது முறையாக இந்த நிகழ்ச்சியில் பங்கேற்பதாக குறிப்பிடப்பட்டுள்ளது. இந்த நிகழ்ச்சியில் பிரதமருடன் 2 மாணவர்கள், ஆசிரியர்கள் மற்றும் பெற்றோர்கள் பங்கேற்க இருப்பதாகவும் அதில் கூறப்பட்டுள்ளது.இந்த நிகழ்ச்சி யூ டியூப் வலைதளத்தில் நேரடியாக ஒளிபரப்பாக உள்ளது.

டெல்லியில் தல்கடோரா என்ற இடத்தில் நடக்கும் இந்தக் கலந்துரையாடல் நிகழ்ச்சியில் கட்டுரைப் போட்டியில் வெற்றி பெற்ற மாணவர்கள் பிரதமரிடம் கேள்வி எழுப்புவார்கள் எனத் தெரிவிக்கப்பட்டுள்ளது.

முன்னதாக இந்த நிகழ்ச்சி கடந்த 16ம் தேதி நடப்பதாக இருந்தது. விழாக்காலத்தைக் கருத்தில் கொண்டு 20ம் தேதிக்கு மாற்றப்பட்டது.