காரை வழிமறித்து முகப்புக்கண்ணாடியை உடைத்த காட்டு யானை
ஈரோடு மாவட்டம் சத்தியமங்கலம் அருகே தேசிய நெடுஞ்சாலையில் சென்ற காரை வழிமறித்த காட்டு யானை, அதன் முகப்புக்கண்ணாடியை உடைத்தது.
தாளவாடியில் இருந்து கோவைக்கு 5க்கும் மேற்பட்டோர் இன்று அதிகாலை காரில் சென்றுள்ளனர். ஆசனூர் அருகே சென்றுகொண்டிருந்த காரை, குட்டியுடன் நின்ற காட்டு யானை ஒன்று வழிமறித்துள்ளது. அதிர்ந்து போன ஓட்டுநர் காரை பின்னோக்கி இயக்கியுள்ளார். இருந்தும், விடாமல் துரத்திய யானை, காரின் முகப்புக்கண்ணாடியை உடைத்ததுடன், அதன் அருகிலேயே ஆக்ரோஷமாக நின்றுள்ளது. இதனால், காரில் இருந்தவர்கள் கடவுளே காப்பாற்று என கதற, சக வாகன ஓட்டிகள் யானையை அங்கிருந்து விரட்டியடித்து, அவர்களை பத்திரமாக மீட்டனர்.
Comments