நிர்பயா வழக்கு : தண்டனையை நிறைவேற்றும் ஹேங்மேன் தயார் நிலையில் இருக்க திகார் சிறை அறிவுறுத்தல்
நிர்பயா பாலியல் வழக்கு குற்றவாளிகளுக்கு தூக்கு தண்டனையை நிறைவேற்றும் ஹேங்மேன், தயார் நிலையில் இருக்க திகார் சிறை நிர்வாகம் அறிவுறுத்தியுள்ளது.
டெல்லி மருத்துவ மாணவி பாலியல் வன்கொடுமை செய்யப்பட்டு கொல்லப்பட்ட சம்பவத்தில் தொடர்புடைய, 4 பேருக்கு பல தடைகளையும் தாண்டி வரும் பிப்ரவரி 1ம் தேதி காலை 6 மணிக்கு தூக்கு தண்டனை நிறைவேற்றப்பட உள்ளது. உத்தரபிரதேச மாநிலம் மீரட்டை சேர்ந்த ஹேங்மேன் பவான் அவர்களுக்கு தண்டனையை நிறைவேற்ற உள்ளார்.
இந்நிலையில் ஜனவரி 31 மற்றும் பிப்ரவரி 1 ஆகிய தேதிகளில் ஹேங்மேன் பவான், தயார்நிலையில் இருக்குமாறு திகார் சிறை நிர்வாகம் அறிவுறுத்தியுள்ளது. முன்னதாக 4 குற்றவாளிகளையும் தூக்கிலிடும் பணி நிறைவடைந்தால், தனக்கும், நிர்பயாவின் பெற்றோருக்கும் நிம்மதி பெருமூச்சாக இருக்கும் என பவான் கூறியிருந்தது குறிப்பிடத்தக்கது.
RELATED POSTS
Comments