7 பேருக்கு வாழ்வளித்த மூளை சாவு அடைந்த இளைஞர்

ராமநாதபுரம் மாவட்டம் பரமக்குடி அருகே சாலை விபத்தில் உயிரிழந்தவரின் உடல் உறுப்புகள், 7 பேருக்கு வாழ்வளிக்கும் வகையில் தானம் செய்யப்பட்டுள்ளது.

காந்திநகரை சேர்ந்த சரத்குமார் என்ற இளைஞர் பணிக்கு சென்று இருசக்கர வாகனத்தில் திரும்பியபோது ஏற்பட்ட விபத்தில் மூளை சாவு அடைந்ததார்.   இதையடுத்து பெற்றோர்களின் அனுமதியுடன் அவரது கண்கள், இதயம், கணயம் போன்ற 8 உறுப்புகள் தானமாக வழங்கப்பட்டுள்ளது.

இதனிடையே அவரது நண்பர்கள் சார்பில் அப்பகுதியில் ஒட்டப்பட்டுள்ள சுவரொட்டியில், இருசக்கர வாகனத்தில் செல்பவர்கள் கட்டாயம் தலைகவசம் அணிய வேண்டும் என கோரிக்கை வைத்திருப்பது, அப்பகுதி மக்களிடையே நெகிழ்ச்சியை ஏற்படுத்தியுள்ளது.