சிறந்த மன உறுதிக்கான ஐ.சி.சி. விருதுக்கு இந்திய கிரிக்கெட் அணித் தலைவர் விராட் கோலி தேர்வு....

கிரிக்கெட்டின் மன உறுதி விருது இந்திய கிரிக்கெட் அணித் தலைவர் விராட் கோலிக்கு வழங்கப்பட உள்ளது.

கடந்த ஆண்டில் சிறந்த வீரர்களுக்கான விருது பட்டியலை சர்வதேச கிரிக்கெட் கவுன்சில் வெளியிட்டுள்ளது. இதன் படி, மிகுந்த உத்வேகத்துடன் விளையாடிய, மனப்பாங்கை பாராட்டி இந்திய அணியின் கேப்டன் விராட் கோலிக்கு ‘கிரிக்கெட்டின் மன உறுதி’ விருது அறிவிக்கப்பட்டுள்ளது. மேலும் சிறந்த ஒருநாள் மற்றும் டெஸ்ட் அணிகளின் கேப்டனாகவும் விராட் கோலி தேர்வாகியுள்ளார்.

அதேபோல் இந்திய அணியின் தொடக்க ஆட்டக்காரர் ரோகித் சர்மா சிறந்த ஒருநாள் போட்டி வீரருக்கான விருதுக்கு தேர்வு செய்யப்பட்டுள்ளார். உலகின் சிறந்த வீரருக்கான கேரி சோபர்ஸ் விருதுக்கு இங்கிலாந்தின் ஆல்-ரவுண்டர் பென் ஸ்டோக்ஸ் தேர்வு செய்யப்பட்டுள்ளார்.